2021-22ஆம் நிதியாண்டுக்கான வருமான வரித் தாக்கல் செய்வதற்கு கடைசி நாள் நேற்றுடன் முடிவடைந்துவிட்டது. கடைசி நாள் நீட்டிக்கப்படும் என பெரிதும் எதிர்பார்க்கப்பட்ட நிலையில், அரசு நீட்டிப்பு ஏதும் வழங்கவில்லை.
இந்நிலையில், மத்திய அரசு வருமான வரி ரிட்டன் ஆன்லைன் வெரிஃபிகேஷனுக்கான (ITR e-Verification) அவகாசத்தை 30 நாட்களாக குறைத்து அறிவித்துள்ளது. இதற்கு முன் இந்த ஆன்லைன் வெரிஃபிகேஷனுக்கான கால அவகாசம் 120 நாட்களாக இருந்தது குறிப்பிடத்தக்கது.
இப்புதிய விதிமுறை இன்று முதல் அமலுக்கு வருவதாக மத்திய நேரடி வரிகள் வாரியம் தெரிவித்துள்ளது.
இதுகுறித்து மத்திய நேரடி வரிகள் வாரியம் வெளியிட்டுள்ள அறிவிப்பில், 30 நாட்களுக்குள் வருமான வரி ரிட்டன் - V (ITR-V) சமர்ப்பிக்கப்பட வேண்டும் என தெரிவித்துள்ளது. 30 நாட்களுக்கு மேல் ITR-V சமர்ப்பிக்கப்பட்டால், ITR-V சமர்ப்பிக்கப்படவே இல்லை என கருதப்படும் என மத்திய நேரடி வரிகள் வாரியம் தெரிவித்துள்ளது.
