அமெரிக்க சந்தை ஆராய்ச்சி நிறுவனமான ஹிண்டன்பர்க் வெளியிட்டுள்ள அண்மை அறிக்கை ஹிண்டன்பர்க் 2.0 என்று எல்லோராலும் அழைக்கப்படுகிறது. இதில் குறிப்பிடப்பட்டுள்ள அதானி குழுமம் மீதான குற்றச்சாட்டுகள் மற்றும் செபி தலைவர் மதாபி புச் மீதான குற்றச்சாட்டுகள் இந்தியாவில் கடும் அதிர்வலைகளை ஏற்படுத்தியுள்ளது.
ஹிண்டன்பர்க் அறிக்கை வெளியானதைத் தொடர்ந்து, அதானி குழுமத்தின் பங்குகள் கிட்டத்தட்ட 7% வரை வீழ்ச்சியடைந்துள்ளது. இதனால், முதலீட்டாளர்கள் சுமார் ₹53,000 கோடியை இழந்துள்ளனர். ஹிண்டன்பர்க் அறிக்கை, செபியின் பாரபட்சமற்ற தன்மையை கேள்விக்குள்ளாக்கி உள்ளது. இதனால், மதாபி புச் ராஜினாமா செய்ய வேண்டும் என்ற அரசியல் அழுத்தம் அதிகரித்துள்ளது. இருப்பினும், செபி தலைவர் இந்த குற்றச்சாட்டுகளை மறுத்துள்ளார்.
