தமிழகம் முழுவதும் விளையாட்டு மேம்பாட்டு ஆணையத்தில் 97 பயிற்சியாளர்கள் நியமிக்கப்பட உள்ளனர்.
சென்னை, மதுரை உள்பட 30க்கும் மேற்பட்ட இடங்களில் விளையாட்டு மேம்பாட்டு ஆணையங்கள் மைதானம் மற்றும் விளையாட்டு விடுதிகளுடன் இயங்கி வருகிறது. கடந்த அதிமுக ஆட்சியின்போது, தமிழ்நாடு முழுவதும் பல்வேறு விளையாட்டுகளுக்கு பயிற்சியாளர்களே இல்லை. திமுக ஆட்சிக்கு வந்ததும் விளையாட்டுத்துறை அமைச்சராக இருந்த மெய்யநாதன் பல முயற்சிகளை எடுத்து வந்தார்.
இந்நிலையில் தமிழ்நாடு முழுவதும் முதல் கட்டமாக 97 பயிற்சியாளர்களை நியமிக்க அறிவிப்பு வெளியிடப்பட்டுள்ளது. இளைஞர் நலன் மற்றும் விளையாட்டுத்துறை அமைச்சராக உதயநிதி ஸ்டாலின் நேற்று பொறுப்பேற்றுக் கொண்டார். இதையடுத்து 97 புதிய பயிற்சியாளர்களுக்கான நியமனப்பணிகள் வேகமெடுத்துள்ளன.
