ஹீரோ மோட்டோகார்ப் நிறுவனத்தின் இரண்டாம் காலாண்டு முடிவுகள் வெளியிடப்பட்டுள்ளன. அதன்படி, நிறுவனத்தின் லாபத்தில் 47.2% உயர்வு பதிவு செய்யப்பட்டுள்ளது.
கடந்த ஜூலை முதல் செப்டம்பர் வரையிலான காலாண்டில், உற்பத்தி பொருட்களின் விலைகள் குறைந்திருந்தன. மேலும், வாகன விலைகள் உயர்த்தப்பட்டன. இதன் விளைவாக, ஹீரோ மோட்டோகார்ப் நிறுவனத்தின் லாபம் அதிகரித்துள்ளதாக தெரிவிக்கப்பட்டுள்ளது. அதன்படி, நிறுவனத்தின் நிகர லாபம் 1054 கோடி ரூபாயாக பதிவு செய்யப்பட்டுள்ளது. மேலும், ஹீரோ நிறுவனம், தனது சக போட்டி நிறுவனங்களான டிவிஎஸ் மற்றும் பஜாஜ் நிறுவனங்களைப் போலவே கணிசமான லாபத்தை பதிவு செய்துள்ளது. கடந்த காலாண்டில், ஹீரோ மோட்டோகார்ப் நிறுவனத்தின் வருவாய் 4% உயர்ந்து, 94.45 பில்லியன் ரூபாயாக உள்ளது. அதே வேளையில், நிறுவனத்தின் செலவினங்கள் 1% உயர்வை பதிவு செய்துள்ளன.
