கேண்டிடேட் செஸ் போட்டி கனடாவில் உள்ள டொரன்டோ நகரில் நடைபெற்று வருகிறது. இதன் ஒன்பதாவது சுற்று டிராவில் முடிவடைந்தது.
உலக சாம்பியன் உடன் மோதும் வீரர், வீராங்கனை யார் என்பதை தேர்வு செய்யும் கேண்டிடேட் செஸ் போட்டி நடைபெற்று வருகிறது. இதில் இந்தியா சார்பில் ஐந்து பேர் பங்கேற்றுள்ளனர். 14 ரவுண்டுகளை கொண்டுள்ள இந்த போட்டியின் ஒன்பதாவது சுற்று குகேஷ் - பிரக்ஞாநந்தா இடையே நடைபெற்றது. இதில் குகேஷ் கருப்பு நிற காய்களுடனும், பிரக்ஞாநந்தா வெள்ளை நிற காய்களுடனும் விளையாடினார்கள். இந்த ஆட்டமானது 41 ஆவது நகர்வில் டிராவில் முடிவடைந்தது. இந்த தொடரில் ஏற்கனவே மோதிய ஆட்டத்தில் குகேஷ் வெற்றி பெற்றிருந்த நிலையில் இந்த டிரா மூலம் அவர் தொடர்ந்து முன்னிலையில் உள்ளார்.
