OpenAI தனது புகழ்பெற்ற AI பட உருவாக்கி - DALL-E 3ல் ஒரு நாளுக்கு இலவசமாக 2 புகைப்படங்களை உருவாக்கலாம் என்று அறிவித்துள்ளது. அதன்படி, இலவச சாட் ஜிபிடி கணக்கைக் கொண்ட எவரும் தினமும் இரண்டு படங்களை உருவாக்க முடியும்.
ஓபன் ஏஐ வெளியிட்டுள்ள எக்ஸ் பதிவில் இடம்பெற்றுள்ள முக்கிய தகவல்கள்: சாட் ஜிபிடி மூலம் நேரடியாக DALL-E 3 ஐ அணுக முடியும். இது பயனர்களுக்கு AI உடன் இயற்கையான உரையாடலை மேற்கொள்ள அனுமதிக்கிறது. படத்தை உருவாக்குவதை எளிதாக்கும் உடனடி பரிந்துரைகள் போன்ற புதிய அம்சங்கள் சேர்க்கப்பட்டுள்ளன. எனினும், மேம்பட்ட அம்சங்கள் சாட் ஜிபிடி பிளஸ் பயனர்களுக்கு மட்டுமே கிடைக்கும். Bing Chat இப்போதும் DALL-E இன் முந்தைய பதிப்பை பயன்படுத்துகிறது. இது வரம்பற்ற படங்களை உருவாக்க அனுமதிக்கிறது என்றாலும், 25 படங்களுக்குப் பிறகு செயலாக்க நேரம் அதிகரிக்கிறது.
