ஸ்பேஸ் எக்ஸின் மிகவும் எதிர்பார்க்கப்பட்ட ஸ்டார்ஷிப் விண்கலத்தின் 5-வது சோதனை விமானம் தாமதமாகியுள்ளது. இதற்கு முக்கிய காரணம், அமெரிக்காவின் விமான போக்குவரத்து கட்டுப்பாட்டுத் துறை (FAA) வழங்கும் உரிமம் தாமதமாகி இருப்பதுதான்.
ஸ்டார்ஷிப் இதுவரை 4 முறை சோதனை செய்யப்பட்டுள்ளது. இந்த நிலையில், 5 வது சோதனையில், ஸ்டார்ஷிப் கலத்துடன் இணைக்கப்பட்டிருக்கும் சூப்பர் ஹெவி பூஸ்டரின் தரையிறக்க முயற்சி மேற்கொள்ளப்படும். இது ஸ்டார்ஷிப் திட்டத்தின் மிக முக்கியமான கட்டமாகும். ஆனால், இதற்கான உரிமம் வழங்குவதை FAA தாமதப்படுத்தியுள்ளது. ஸ்டார்ஷிப் கலத்தின் ஏவுதலால் ஏற்படக்கூடிய பாதுகாப்பு மற்றும் சுற்றுச்சூழல் பாதிப்புகள் குறித்து மேலதிக ஆய்வுகள் மேற்கொள்ள வேண்டி இருப்பதாக FAA கூறுகிறது. ஸ்பேஸ் எக்ஸ் நிறுவனம், FAA-வின் இந்த தாமதம் தேவையற்றது என்றும், FAA அதிகப்படியான சுற்றுச்சூழல் பகுப்பாய்வுகளை மேற்கொள்வதாகவும் குற்றம் சாட்டியுள்ளது.
