இஸ்ரேல் பிரதமர் பெஞ்சமின் நெதன்யாகு, ஹமாஸ் அமைப்பின் தலைவர் யாஹ்யா சின்வார் மரணமடைந்ததை இன்று உறுதிப்படுத்தியுள்ளார்.
கடந்த ஆண்டு அக்டோபர் 7-ந் தேதி இஸ்ரேல் மீது நடத்தப்பட்ட தாக்குதலின் பின்னணி மையமாக இருந்தவர் சின்வார் என்பதை டைம்ஸ் ஆப் இஸ்ரேல் பத்திரிகை அறிவித்துள்ளது. ஹமாஸ் தலைவரின் மரணம் பற்றிய செய்தியை, நெதன்யாகு பணய கைதிகளின் குடும்பங்களுக்கு தெரிவிக்கும்படி தனது உதவியாளர்களிடம் கூறியுள்ளார். இதற்குமுன், காசாவில் நடத்தப்பட்ட தாக்குதலில் 3 பயங்கரவாதிகள் கொல்லப்பட்டதை இஸ்ரேல் பாதுகாப்பு படை அறிவித்தது. இதில் சின்வாரும் உள்ளவராக இருக்கக்கூடிய சாத்தியத்தைச் சோதித்து வந்தனர். தற்போது, அவரது மரணத்தை நெதன்யாகு உறுதிப்படுத்தியுள்ளார்.
