நாசா, லேசர் இன்டர்ஃபெரோமீட்டர் விண்வெளி ஆண்டெனா (லிசா) பணிக்கான ஆறு தொலைநோக்கிகளின் முதல் முழு அளவிலான முன்மாதிரியை வெளியிட்டுள்ளது. இந்தத் திட்டம், ஐரோப்பிய விண்வெளி ஏஜென்சியுடன் இணைந்து 2030களின் நடுப்பகுதியில் தொடங்கப்பட உள்ளது குறிப்பிடத்தக்கது.
லிசா தொலைநோக்கிகள், கருந்துளைகள் மோதும் போது விண்வெளி நேரத்தில் ஏற்படும் சிற்றலைகள் எனப்படும் ஈர்ப்பு அலைகளை கண்டறியும் திறன் கொண்டவை. இதற்காக, விண்வெளியில் 1.6 மில்லியன் மைல் தொலைவில் மூன்று விண்கலங்கள் ஒரு முக்கோண வடிவில் அமைக்கப்படும். இந்த விண்கலங்களுக்கு இடையே லேசர் கதிர்கள் செலுத்தப்பட்டு, ஈர்ப்பு அலைகளால் ஏற்படும் மிகச் சிறிய தூர மாற்றங்கள் கணக்கிடப்படும். L3Harris Technologies நிறுவனம் உருவாக்கிய இந்த தொலைநோக்கிகள், தங்கம் பூசப்பட்ட கண்ணாடியைக் கொண்டுள்ளது மற்றும் Zerodur கண்ணாடி-பீங்கான் மூலம் தயாரிக்கப்பட்டுள்ளது. இந்த தொலைநோக்கிகள், பைக்கோமீட்டர் அளவிலான மிகச் சிறிய மாற்றங்களைக் கூட கண்டறியும் திறன் கொண்டவை. இது விண்வெளி ஆய்வில் முற்றிலும் புதிய பரிமாணத்தை திறக்கும் என எதிர்பார்க்கப்படுகிறது.
