திருக்குறள் பாடத்திட்டத்தில் சேர்க்க வேண்டும் – உயர்நீதிமன்றம் தீர்ப்பு

தமிழக அரசின் திருக்குறள் அரசாணைக்கு எதிரான வழக்கிற்கு உயர்நீதிமன்றம் தீர்ப்பு வழங்கியுள்ளது.

மதுரையைச் சேர்ந்த ராம்குமார், 2016-ம் ஆண்டு உயர்நீதிமன்றத்தில் தாக்கல் செய்யப்பட்ட மனுவில் திருக்குறளின் அறத்துப்பால் மற்றும் பொருட்பாலின் 1050 திருக்குறள்களை 6-ம் வகுப்பு முதல் 12-ம் வகுப்பு பாடத்திட்டத்தில் சேர்க்க வேண்டும் என கூறியிருந்தார். அதன்படி, 2017-ம் ஆண்டில், தமிழக அரசு அரசாணை வெளியிட்டது, அதில் இந்த 1050 திருக்குறள்களை பாடத்திட்டத்தில் சேர்க்கலாம் என்று கூறப்பட்டது. ஆனால், அந்த அரசாணை நடைமுறைக்கு வரவில்லை. இதன் அடிப்படையில், ராம்குமார் மேல் நீதிமன்றத்தில் இந்த குறள்களை பாடமாக்க, தேர்வுகளிலும் வினாக்களாகக் கேட்க வேண்டும் என கோரியுள்ளார். அரசியல் தரப்பில், திருக்குறள் அனைத்துப் பள்ளிகளிலும் சேர்க்கப்பட்டு, தேர்வுகளிலும் கட்டாயம் கேட்கப்படுவதாகத் தெரிவிக்கப்பட்டது.