டாடா மோட்டார்ஸ் தனது முதல் ஆட்டோமேட்டட் மேனுவல் டிரான்ஸ்மிஷன் (AMT) டிரக்கான டாடா ப்ரைமா 4440.S AMT ஐ சவுதி அரேபியாவில் அறிமுகம் செய்துள்ளது. இந்த டிரக் அதிக நம்பகத்தன்மை, சிறப்பான செயல்திறன் மற்றும் அதிக மைலேஜ் ஆகியவற்றை வழங்கும் வகையில் வடிவமைக்கப்பட்டுள்ளது.
சவுதி அரேபியா சந்தைக்கு ஏற்ப, தம்மாமில் நடைபெற்ற HEAT கண்காட்சியில் இந்த புதிய டிரக் உட்பட மொத்தம் 5 உயர் செயல்திறன் கொண்ட வாகனங்களை டாடா மோட்டார்ஸ் காட்சிப்படுத்தியது. கனரக சுமைகளை எடுத்துச் செல்ல ஏற்ற வகையில் வடிவமைக்கப்பட்ட ப்ரைமா 4440.S AMT, சுமை அடிப்படையிலான வேகக் கட்டுப்பாடு, ஆட்டோ ஸ்டார்ட்-ஸ்டாப் போன்ற ஸ்மார்ட் தொழில்நுட்பங்களுடன் கூடிய எரிபொருள் சிக்கனமான AMT அமைப்பைக் கொண்டுள்ளது. இதில் 400 Bhp பவர் மற்றும் 1700 Nm டார்க் கொடுக்கும் யூரோ-V இணக்கமான 8.9 லிட்டர் கம்மின்ஸ் எஞ்சின் பொருத்தப்பட்டுள்ளது.
