பூமியின் காந்தப்புல வட துருவம் கனடாவில் இருந்து ரஷ்யாவை நோக்கி வேகமாக நகர்ந்து வருகிறது. கடந்த சில தசாப்தங்களில் இந்த நகர்வின் வேகம் கணிசமாக அதிகரித்துள்ளது. 1990-களில் ஆண்டுக்கு 15 கிலோமீட்டர் என்ற வேகத்தில் நகர்ந்தது, தற்போது 50-60 கிலோமீட்டர் என்ற வேகத்தில் நகர்ந்து வருகிறது. விஞ்ஞானிகள், இந்த வேகம் தொடர்ந்தால், 2035-ஆம் ஆண்டிற்குள் மேலும் 660 கிலோமீட்டர் நகர்ந்துவிடும் என கணித்துள்ளனர். இதன் விளைவாக, 2040-ஆம் ஆண்டளவில் திசைகாட்டி உண்மையான வடக்கு திசையை காட்டாமல் கிழக்கு திசையை காட்டும்.
அதேபோல் தென் துருவமும் அண்டார்டிகாவில் நகர்ந்து வருகிறது. பூமியின் உட்புறத்தில் உள்ள உருகிய இரும்பு அடுக்கில் ஏற்படும் மாற்றங்களே இந்த காந்த துருவங்களின் நகர்வுக்கு காரணம் என விஞ்ஞானிகள் கூறுகின்றனர். ஒவ்வொரு 300,000 ஆண்டுகளுக்கு ஒரு முறை பூமியின் காந்த துருவங்கள் திசை மாறும். இது கடைசியாக 780,000 ஆண்டுகளுக்கு முன்பு நிகழ்ந்தது. காந்த துருவங்கள் திசை மாறும் போது, பூமியின் காந்தப்புலம் பலவீனமடையும். இதனால், பூமி சூரியனில் இருந்து வரும் ஆபத்தான கதிர்வீச்சிலிருந்து பாதுகாக்கப்படாமல் போகும். இது பூமியில் உள்ள உயிரினங்களுக்கு ஆபத்தை ஏற்படுத்தும். மேலும், செயற்கைக்கோள்கள், தொலைத்தொடர்பு, மின் கட்டமைப்புகள் போன்றவற்றிலும் பாதிப்பை ஏற்படுத்தும்.
