'பாரதீய அந்தரிக்ஷா நிலையம்' (BAS) என்ற பெயரில் புதிய விண்வெளி நிலையத்தை உருவாக்கும் திட்டத்தை இஸ்ரோ அறிவித்துள்ளது. இந்த நிலையம் 52 டன் எடை கொண்டதாக இருக்கும். ஆரம்பத்தில் மூன்று விண்வெளி வீரர்கள் இதில் தங்கி ஆராய்ச்சி மேற்கொள்ள முடியும். பின்னர் இதை ஆறு பேர் தங்கும் வகையில் விரிவாக்கம் செய்யும் திட்டமும் உள்ளதாக இஸ்ரோ அறிவித்துள்ளது.
இந்த விண்வெளி நிலையம் மூலம் பல்வேறு விதமான ஆராய்ச்சிகளை மேற்கொள்ள இஸ்ரோ திட்டமிட்டுள்ளது. மற்ற கிரகங்களுக்கு மனிதர்களை அனுப்பி ஆராய்ச்சி செய்வதற்குத் தேவையான தொழில்நுட்பங்களை உருவாக்குவது, விண்வெளியில் மனித உடலில் ஏற்படும் மாற்றங்களை ஆய்வு செய்வது, விண்வெளி சுற்றுலா போன்ற பல்வேறு துறைகளில் ஆராய்ச்சிகள் மேற்கொள்ளப்படும். இந்தியா, அமெரிக்கா மற்றும் சீனா போன்ற உலகின் முன்னணி நாடுகளின் வரிசையில் இணைந்து விண்வெளி ஆராய்ச்சியில் முன்னணி நாடாக உருவாக இந்த திட்டம் உதவும் என எதிர்பார்க்கப்படுகிறது.
