ஜப்பானின் ஸ்பேஸ் ஒன் நிறுவனம், தனது கைரோஸ் 2 ராக்கெட் ஏவுதலில் தோல்வி கண்டுள்ளது. வகாயாமா ப்ரிஃபெக்சரில் உள்ள ஸ்பேஸ் போர்ட் கியில் இருந்து ஏவப்பட்ட இந்த ராக்கெட், ஏவுதலின் மூன்று நிமிடங்களுக்குள் முதல் கட்ட எஞ்சின் கோளாறு காரணமாக விழத் தொடங்கி, 100 கிலோமீட்டர் உயரத்தில் ஏவுதல் பணி நிறுத்தப்பட்டது.
இது கைரோஸ் தொடரின் இரண்டாவது தோல்வியாகும். முன்னதாக, மார்ச் 2024 இல் நடந்த ஏவுதலும் தோல்வியடைந்தது. இந்த ராக்கெட் 250 கிலோ எடையை பூமியின் கீழ் சுற்றுப்பாதைக்கு கொண்டு செல்லும் திறன் கொண்டது. ஸ்பேஸ் ஒன் நிறுவனம் இந்த தோல்விக்குக் காரணம் என்ன என்பது குறித்து ஆய்வு செய்து, எதிர்காலத்தில் மீண்டும் ஏவுதல் முயற்சிகளை மேற்கொள்ள திட்டமிட்டுள்ளது. ஏற்கனவே JAXA -ன் Epsilon S இன்ஜின் வெடிப்புகள் போன்ற பல பின்னடைவுகளை ஜப்பான் சந்தித்து வருவதால் அந்நாட்டு விண்வெளித் துறையில் கவலைக்குரிய சூழல் நிலவுகிறது.
