நாடு முழுவதும் தேசிய கல்விக்கொள்கையை அமல்படுத்த நடவடிக்கை: அமித்ஷா 

நாடு முழுவதும் புதிய கல்விக் கொள்கை அமல்படுத்த நடவடிக்கை எடுக்கப்பட்டு வருகிறது என்று அமித்ஷா தெரிவித்துள்ளார்.

குஜராத் மத்திய பல்கலையில் நடந்த 4வது பட்டமளிப்பு விழாவில் ஒன்றிய உள்துறை அமைச்சர் அமித்ஷா கலந்து கொண்டார். அப்போது அவர் பேசுகையில், புதிய தேசிய கல்விக் கொள்கை அனைவராலும் ஏற்றுக்கொள்ளப்பட்டுள்ளது. தற்போது முழு நாடும் அதை நடைமுறைப்படுத்த உழைத்து வருகிறது. பொதுவாக கல்விக் கொள்கைகள் அமல்படுத்தப்படும் போது சர்ச்சைகளில் சிக்கியுள்ளன.ஆனால் 2022ல் மோடி கொண்டு வந்த கல்விக் கொள்கைக்கு எதிராக யாரும் எதிர்ப்பு தெரிவிக்கவோ அல்லது குற்றச்சாட்டுகளை முன்வைக்கவோ முடியாது.

இந்தக் கல்விக் கொள்கையானது இந்தியக் கல்வியை குறுகிய சிந்தனையிலிருந்து வெளியே கொண்டு வந்து மாணவர்களின் குழந்தைப் பருவத்தில் இருந்து கல்வி முடியும் வரை அவர்களை தேசப் பெருமித உணர்வுகளால் நிரம்பிய ஒரு முழுகுடிமகனை உருவாக்குவதே ஆகும் என்று அவர் கூறினார்.