அதானி குழுமத்தின் முதன்மை நிறுவனமான அதானி எண்டர்பிரைசஸ் நிறுவனத்தின் இரண்டாம் காலாண்டு முடிவுகள் வெளியிடப்பட்டுள்ளன. இந்த நிறுவனத்தின் முக்கிய வர்த்தகமான சுரங்க தொழிலில் அதிக நஷ்டம் ஏற்பட்டதால், கடந்த காலாண்டில் நிறுவனத்தின் நிகர லாபத்தில் 50% சரிவு காணப்பட்டுள்ளது.
கடந்த ஜூலை முதல் செப்டம்பர் வரையிலான காலாண்டில், அதானி எண்டர்பிரைசஸ் நிறுவனத்தின் நிகர லாபம் 222.82 கோடியாக சொல்லப்பட்டுள்ளது. இது முந்தைய ஆண்டுடன் ஒப்பிடுகையில் 50.5% வீழ்ச்சி ஆகும். மேலும், நிறுவனத்தின் செலவினங்கள் 8% உயர்ந்துள்ளதாக தெரிவிக்கப்பட்டுள்ளது. அத்துடன், சுரங்க தொழிலில் ஏற்பட்ட நஷ்டம் 340 கோடி அளவில் பதிவு செய்யப்பட்டுள்ளது. அதே வேளையில், அதானி குழுமத்தின் விமான நிலைய வர்த்தகம் 49% உயர்ந்துள்ளதாக தெரிவிக்கப்பட்டுள்ளது.
