அதானி குழுமத்தின் புத்தாக்க எரிசக்தி நிறுவனமான அதானி கிரீன் எனர்ஜி லிமிடெட் தனது இரண்டாம் காலாண்டு அறிக்கையை இன்று வெளியிட்டுள்ளது. அதன்படி, நிறுவனத்தின் நிகர லாபத்தில் 149% உயர்வு பதிவு செய்யப்பட்டுள்ளது.
கடந்த ஜூலை முதல் செப்டம்பர் வரையிலான காலாண்டில், அதானி கிரீன் எனர்ஜி நிறுவனத்தின் மொத்த வருவாய் 53.7% உயர்ந்து, 2589 கோடி ரூபாயாக பதிவு செய்யப்பட்டுள்ளது. மேலும், எரிசக்தி விற்பனையில் கடந்த ஆண்டை விட இந்த ஆண்டு 87% உயர்வு பதிவாகியுள்ளதாக அதானி கிரீன் எனர்ஜி தெரிவித்துள்ளது. அதே சமயத்தில், கடந்த காலாண்டில், 16 கோடி அளவில் சிறிய இழப்பு நேரிட்டுள்ளதாகவும் தெரிவித்துள்ளது. தொடர்ந்து, புத்தாக்க எரிசக்தி துறையின் அனைத்து பிரிவுகளிலும் பல்வேறு புதிய திட்டங்களில் பணியாற்றி வருவதாகவும், அதனால் இனி வரும் மாதங்களில் கணிசமான உயர்வை எதிர் நோக்குவதாகவும் நிறுவனம் தெரிவித்துள்ளது.
