இந்தியாவில், இணைய வர்த்தகத் தளங்களின் விளம்பர வருவாய் 1 பில்லியன் அமெரிக்க டாலர்களை கடந்து சாதனை படைத்துள்ளதாக தகவல் வெளியாகி உள்ளது. கடந்த 2022 ஆம் ஆண்டில், பிளிப்கார்ட் நிறுவனம், விளம்பர வருவாயில் 50% உயர்வை பதிவு செய்திருந்தது. இதன் விளம்பர வருவாய் 2083.5 கோடியாக பதிவாகியுள்ளது. அதே வேளையில், அமேசான் நிறுவனத்தின் விளம்பர வருவாய், கடந்த ஆண்டு 63% உயர்ந்து, 4171.4 கோடியாக பதிவாகியுள்ளது. எனவே, இணைய வர்த்தகத்தில் கோலோச்சி வரும் இந்த 2 முக்கிய நிறுவனங்களின் விளம்பர வருவாய் மட்டுமே 6250 கோடிக்கும் அதிகமாக பதிவாகியுள்ளது.
இது தொடர்பாக பேசிய பிளிப்கார்ட் நிறுவனத்தின் உயர் அதிகாரி சங்கல்ப் மெகருத்ரா, "இந்தியாவில் 700 மில்லியன் இணைய வாடிக்கையாளர்கள் உள்ளனர். அவர்களில் 450 மில்லியன் மக்கள் இணைய வர்த்தகத்தை ஒரு முறையாவது பயன்படுத்தி உள்ளனர். மேலும், 200 மில்லியனுக்கும் மேற்பட்டோர் இணைய வர்த்தகத்தில் தீவிரமாக ஈடுபடுகின்றனர். எனவே, இந்த துறையில் விளம்பரங்கள் முக்கிய பங்காற்றுவதால், அதன் மூலமாக கிடைக்கும் வருவாய் பன்மடங்கு உயர்ந்துள்ளது" என்று கூறினார்.
