பிரான்ஸ் அதிபர் இம்மானுவேல் மேக்ரான் மற்றும் ஐரோப்பிய ஒன்றியத்தின் தலைமை அதிகாரி உற்சுலா வான்டெர் லேயன் ஆகியோர், 3 நாள் பயணமாக இன்று சீனா செல்கின்றனர். சீன அதிபர் ஜி ஜின்பிங்கை அவர்கள் சந்திக்க உள்ளனர். இந்த சந்திப்பு உலக அரங்கில் மிக முக்கியமானதாக கருதப்படுகிறது. இதன் போது, உக்ரைன் - ரஷ்யா போர் நிறுத்தம் குறித்து பேச்சுவார்த்தை நடத்தப்படும் என்று எதிர்பார்க்கப்படுகிறது.
முன்னதாக, இமானுவேல் மேக்ரான், அமெரிக்க அதிபர் ஜோ பைடனுடன் தொலைபேசி உரையாடலில் ஈடுபட்டார். அப்போது, போர் நிறுத்தம் குறித்து சீனாவுடன் பேசுவது குறித்து முடிவெடுக்கப்பட்டதாக தகவல் வெளிவந்துள்ளது. “ஐரோப்பிய பிராந்தியத்தில் அமைதியை ஏற்படுத்த உடனடியாக போர் நிறுத்தத்தை கொண்டு வர வேண்டும்” என்று பேசப் போவதாக மேக்ரானின் அலுவலக அறிக்கை தெரிவித்துள்ளது. இது தவிர, பல்வேறு வர்த்தக ஒப்பந்தங்களை முன்னிட்டு இந்த சந்திப்பு நிகழ்வதாக தெரிவிக்கப்பட்டுள்ளது.
