அமேசான் நதியின் இரண்டாவது பெரிய துணை நதியான நெகரோ ஆற்றின் நீர்மட்டம் வரலாறு காணாத அளவுக்கு தாழ்நிலையை எட்டியுள்ளது. உலகின் பெரிய காடான அமேசான் காடுகளின் ஒரு பகுதியான இங்கு மோசமான வறட்சி நிலவி வருகிறது. இரண்டு ஆண்டுகளுக்கு முன் இந்த பகுதியில் பெரிய வெள்ளம் ஏற்பட்டது. இன்னொரு துணை நதியான மெதய்ராவிலும் நீர்மட்டம் குறைந்து விட்டது. இதனால் பிரேசிலின் சாந்தோ அந்தோனியோ அணை நீர் மின் உற்பத்தி நிலையம் உற்பத்தியை நிறுத்திவிட்டது. பிரேசில் பகுதியில் உள்ள அமேசான் ஆறுகளின் நீர்மட்டம் குறைந்ததால் அதனை நம்பி வாழும் மக்களின் வாழ்வாதாரம் பெரும் பாதிப்புக்கு உள்ளாகி இருக்கிறது. இந்த மக்கள் குடிதண்ணீருக்கு கூட தவித்து வருகின்றனர். இந்த ஆறுகள் வறண்டதால் மானவ்ஸ் நகருக்கான வர்த்தக ரீதியிலான படகு போக்குவரத்து தொழில் பாதித்துள்ளது. மேலும் நூற்றுக்கணக்கான டால்பின்களும் கடந்த வாரங்களில் இறந்துள்ளது. வரும் நாட்களில் இதை விட மோசமான சூழல் ஏற்படக்கூடும் என்ற அச்சம் நிலவி வருகிறது.பருவநிலை மாற்றம் காரணமாக இந்த மோசமான நிலைமை ஏற்பட்டுள்ளது என்று பிரேசிலிய தேசிய நிறுவனத்தின் அமெரிக்கா ஆய்வாளர் பிலிப் கூறினார்.
