ரஷ்யாவில் இறக்கப்பட்ட ஏர் இந்தியா விமானம், 36 மணி நேரத்திற்குப் பிறகு சான்பிரான்சிஸ்கோ புறப்பட்டுச் சென்றது.
டெல்லியிலிருந்து, அமெரிக்காவின் சான்பிரான்சிஸ்கோ நகருக்கு ஏர் இந்தியாவின் போயிங் 777 ரக விமானம் 216 பயணிகள் மற்றும் 16 ஊழியர்களுடன் கடந்த செவ்வாய்க்கிழமை புறப்பட்டுச் சென்றது. ரஷ்ய வான்பகுதியில் விமானம் பறந்து கொண்டிருந்தபோது, அதன் ஒரு இன்ஜினில் தொழில்நுட்ப கோளாறு ஏற்பட்டது. இதையடுத்து, ரஷ்யாவின் மகடான் நகரில் விமானம் அவசரமாக தரையிறக்கப்பட்டது. அதில் பயணம் செய்த பயணிகள் அருகில் உள்ள ஓட்டல்கள், பள்ளி மற்றும் கல்லூரி விடுதிகளில் தங்கவைக்கப்பட்டனர். 36 மணி நேர காத்திருப்புக்குப் பின்னர் பயணிகள் ஏர் இந்தியாவின் மாற்று விமானம் மூலம் சான் பிரான்சிஸ்கோ புறப்பட்டனர்.
