மத்திய பிரதேச மாநிலம் குவாலியரைச் சேர்ந்த பள்ளி மாணவர் மெத்னேஷ் திரிவேதி, 3 மாத கால கடுமையான உழைப்பின் மூலம் ஒரு ட்ரோனை உருவாக்கியுள்ளார். இந்த ட்ரோன், ஹெலிகாப்டர் போன்று செயல்படுகிறது மற்றும் 80 கிலோ எடையுள்ள ஒருவரை 6 நிமிடங்கள் வரை பறக்க வைக்கும் திறன் கொண்டது. ட்ரோன் காப்டர் என்ற இந்த அற்புதமான கண்டுபிடிப்பை பாராட்டி, பிரபல தொழிலதிபர் ஆனந்த் மஹிந்திரா சமூக வலைதளங்களில் பதிவிட்டுள்ளார்.
இந்த ட்ரோன் தொழில்நுட்ப ரீதியாக புதியதல்ல என்றாலும், இதில் மெத்னேஷின் இயந்திரவியல் மீதான ஆர்வம், அர்ப்பணிப்பு மற்றும் பொறுமை தெரிகிறது. இது மிகவும் பாராட்டப்பட வேண்டியது. மேலும், இது போன்ற இளைஞர்களின் எண்ணிக்கை அதிகரிக்கும் போது, நம் நாடு மேலும் புதுமையாக மாறும். இவ்வாறு ஆனந்த் மஹிந்திரா பதிவிட்டுள்ளார்.
