இன்றைய வர்த்தக நாளில், அமெரிக்காவைச் சேர்ந்த ஜி க்யூ ஜி பார்ட்னர்ஸ் நிறுவனம், அதானி குழுமத்தின் ஒரு பில்லியன் டாலர் மதிப்பிலான பங்குகளை வாங்கி உள்ளது. பிளாக் டீல் மூலம் இந்த பங்குகள் வாங்கப்பட்டுள்ளன. இதன் மூலம், கடந்த 4 மாதங்களில் மூன்றாவது சுற்றாக அதானி பங்குகளில் ஜி க்யூ ஜி பார்ட்னர்ஸ் முதலீடு செய்துள்ளது. இதன் காரணமாக, இன்றைய வர்த்தக நாளில் அதானி குழும பங்குகள் மிகவும் உயர்வை பதிவு செய்துள்ளன. குறிப்பாக, அதானி என்டர்பிரைசஸ் 5.5% உயர்ந்து வர்த்தகமாகி வருகிறது. இன்றைய தினம் 18 மில்லியன் எண்ணிக்கையிலான அதானி குழும பங்குகள் ப்ளாக் டீல் மூலம் விற்கப்பட்டுள்ளன. அதானி என்டர்பிரைசஸ் மற்றும் அதானி கிரீன் எனர்ஜி ஆகிய நிறுவனங்களின் பங்குகள் பெரும்பாலும் விற்கப்பட்டுள்ளன.
