ஆப்பிள் நிறுவனம் தனது பிரபலமான ஸ்மார்ட்வாட்ச் தொடரான ஆப்பிள் வாட்ச் அல்ட்ராவின் மூன்றாவது தலைமுறையை அடுத்த ஆண்டு அறிமுகப்படுத்த திட்டமிட்டுள்ளது. இந்த புதிய மாடலின் மிகப்பெரிய சிறப்பம்சம் என்னவென்றால் இதில் செயற்கைக்கோள் குறுஞ்செய்தி அம்சம் கொடுக்கப்படுகிறது. இதன் மூலம் பயனர்கள் செல்போன் நெட்வொர்க் அல்லது வைஃபை இணைப்பு இல்லாத இடங்களிலும் எளிதாக செய்திகளை அனுப்பி பெற முடியும்.
இந்த செயற்கைக்கோள் சேவையை குளோபல்ஸ்டார் இன்க். நிறுவனம் வழங்க உள்ளது. ஆப்பிள் நிறுவனம் சமீபத்தில் குளோபல்ஸ்டாரில் 20% பங்குகளை வாங்க $1.5 பில்லியன் முதலீடு செய்துள்ளது. இந்த செய்தியைத் தொடர்ந்து குளோபல்ஸ்டாரின் பங்கு மதிப்பு 15% உயர்ந்துள்ளது. மேலும், ஆப்பிள் வாட்ச் அல்ட்ரா 3 இல் இரத்த அழுத்தத்தை கண்காணிக்கும் புதிய அம்சமும் இடம்பெறும் என்று எதிர்பார்க்கப்படுகிறது.
