ஆரோக்யா பால் மற்றும் தயிர் விலை நாளை முதல் 2 ரூபாய் உயர்த்தப்பட்டுள்ளது.
தமிழ்நாடு மற்றும் பிற மாநிலங்களில் பால் கொள்முதல் விலைகளில் எந்த மாற்றமும் இல்லாமல், தமிழ்நாட்டின் முன்னணி தனியார் பால் நிறுவனமான ஆரோக்யா நிறுவனம், நாளை (வெள்ளிக்கிழமை) முதல் பால் மற்றும் தயிர் விற்பனை விலைகளை உயர்த்துவதாக அறிவித்துள்ளது. இந்த விலை உயர்வு மூலம் நிறை கொழுப்பு பால், நிலைப்படுத்தப்பட்ட பால், மற்றும் தயிர் தயாரிப்புகளின் விலைகளில் 2 ரூபாயினை உயர்த்தி 500 மி.லி. முதல் 1 லிட்டர் பாக்கெட்டுகள், 400 கிராம், 500 கிராம், 1 கிலோ தயிர் பாக்கெட்டுகள் அனைத்திலும் விலை மாற்றங்கள் செய்யப்பட்டுள்ளன. இந்த விலை உயர்வு பொதுமக்களுக்கு பெரும் பொருளாதார பாரத்தை சுமக்கும் என்றும், மற்ற பால் நிறுவனங்களையும் விலை உயர்த்த தூண்டுவதாகும் என, பால் சங்க தலைவர் பொன்னுசாமி கண்டனம் தெரிவித்துள்ளார்.
