முதலமைச்சரின் பிறந்தநாளையொட்டி அவரின் பல்வேறு புகைப்படங்களோடு ஆன்லைனில் செல்பி எடுக்க ஏற்பாடு செய்யப்பட்டுள்ளது.
தி.மு.க. தலைவர் மு.க.ஸ்டாலின் பிறந்தநாளை தொண்டர்கள் சிறப்பாக கொண்டாடுகிறார்கள். அதில் பலருக்கு மு.க.ஸ்டாலினை நேரில் சந்திக்க வேண்டும். அவருடன் செல்பி எடுத்துக்கொள்ள வேண்டும் என்ற ஆசை இருக்கும். தொண்டர்களின் இந்த ஏக்கத்தை போக்க நவீன தொழில் நுட்பத்தில் புதுமையான ஏற்பாடு செய்யப்பட்டுள்ளது. 07127191333 என்ற தொலைபேசி எண்ணிற்கு அழைத்து தங்கள் வாழ்த்துக்களை பதிவு செய்யலாம். இந்த தொலைபேசி எண் இன்று முதல் 2-ந் தேதி வரை செயல்பாட்டில் இருக்கும்.
மேலும் மெய்நிகர் சேவையை பயன்படுத்தி முதல்வருடன் புகைப்படம் எடுத்து தங்கள் வாழ்த்தையும் பதிவு செய்யலாம். www.selfiewithcm.com என்ற இணைய தளத்துடன் கியூ.ஆர்.குறியீடு இணைக்கப்பட்டுள்ளது. அதில் மு.க.ஸ்டாலின் பல்வேறு புகைப்படங்களோடு மக்கள் தங்கள் விருப்பப்படி மெய்நிகர் முறையில் செல்பி எடுத்து கொள்ளலாம் என்று கூறப்பட்டுள்ளது.
