ஏசியன் பெயிண்ட்ஸ் நிறுவனம், நேற்று தனது இரண்டாம் காலாண்டு நிதி நிலை அறிக்கையை வெளியிட்டது. அதன்படி, நிறுவனத்தின் வருவாய் வளர்ச்சியில் பெரிய முன்னேற்றம் இல்லை. நிறுவனத்தின் லாபத்தில் 54% உயர்வு பதிவு செய்யப்பட்டுள்ளது. இந்த முடிவுகளின் எதிரொலியாக, இன்றைய பங்குச் சந்தையில், ஏசியன் பெயிண்ட்ஸ் பங்குகள் கிட்டத்தட்ட 1% சரிந்து வர்த்தகமாகி வருகின்றன. மும்பை பங்குச் சந்தையில், ஏசியன் பெயிண்ட்ஸ் நிறுவனத்தின் பங்குகள் 2954.3 ரூபாய்க்கு வர்த்தகமானது.
ஏசியன் பெயிண்ட்ஸ் பங்கு விலை, கடந்த ஜூலை 24ஆம் தேதி, 3566.9 ரூபாய் ஆக இருந்தது. இது அதன் ஒரு வருட உச்சம் ஆகும். அதிலிருந்து தற்போது 17% சரிவடைந்துள்ளது குறிப்பிடத்தக்கது. அத்துடன், கடந்த ஜனவரி 27 ஆம் தேதி ஏசியன் பெயிண்ட்ஸ் தனது ஒரு வருட குறைவான பங்கு மதிப்பை (ரூ. 2686.15) கொண்டிருந்தது குறிப்பிடத்தக்கது.
