பா ஜ கா, காங்கிரஸ் கட்சிகளின் சொத்து மதிப்பு வெளியீடு

எட்டு தேசிய கட்சிகளின் சொத்து மதிப்பு, இருப்பு தொகை, கடன் அளவு குறித்த விவரங்களை ஜனநாயக சீர்திருத்தங்களுக்கான சங்கம் அறிவித்துள்ளது.

நாட்டில் தேர்தல் சீர்திருத்தங்களுக்கு வலியுறுத்தும் ஜனநாயக சீர்திருத்த சங்கம் பாஜக, காங்கிரஸ், தேசியவாத காங்கிரஸ், பகுஜன் சமாஜ், இந்திய கம்யூனிஸ்ட், மார்க்சிஸ்ட் கம்யூனிஸ்ட், திரிணாமுல் காங்கிரஸ், தேசிய மக்கள் கட்சி ஆகிய கட்சிகளின் சொத்து விவரத்தை வெளியிட்டுள்ளது. அதில் பாஜக கட்சி 2021-22 ஆம் ஆண்டில் ரூபாய் 6046.81 கோடியை தனது சொத்து மதிப்பாக அறிவித்துள்ளது. இது முந்தைய ஆண்டின் சொத்து மதிப்பை விட 21.17 சதவீதம் அதிகரித்துள்ளது. காங்கிரஸ் கட்சி கடந்த 2020-21 ஆம் ஆண்டில் 691.11 கோடியை அறிவித்திருந்தது. அது தற்போது 805.68 கோடியை அறிவித்துள்ளது. இந்த மதிப்பு கடந்த ஆண்டை விட 16.58 சதவிகிதம் உயர்ந்துள்ளது. இதேபோல் பாஜக, காங்கிரஸ் உள்ளிட்ட தேசிய கட்சிகளின் சொத்து மதிப்பு முந்தைய ஆண்டை விட ரூபாய் 8,829.16 கோடியாக உயர்ந்துள்ளது. இது முந்தைய ஆண்டை விட ரூபாய்.7,297.62 ஆக கோடியாக இருந்தது.

தேசியக் கட்சிகளில் பகுஜன் சமாஜ் கட்சியின் சொத்து மதிப்பு மட்டும் குறைந்துள்ளது. மேலும் இக்கட்சிகளில் கடன் அளவு விவரங்களும் வெளியிடப்பட்டுள்ளது. இதில் ரூபாய் 41.95 கோடி கடன் அதிகபட்சமாக காங்கிரஸ் உள்ளது. பாஜகவிற்கு ரூபாய் 5.17 கோடியும், மார்க்சிஸ்ட் கம்யூனிஸ்ட் கட்சிக்கு ரூபாய் 12.21 கோடியும் கடன் இருக்கிறது. மேலும் இந்த கட்சிகளின் இருப்புத் தொகைகளை அறிவித்து இருக்கிறது. அதில் பாஜக கட்சி அதிகபட்சமாக ரூபாய் 6041.64 கோடி தொகையை கொண்டுள்ளது. அதற்கு அடுத்தபடியாக ரூபாய்.763.73 கோடி காங்கிரஸ் கட்சியில் இருப்பு இருக்கிறது. இந்த கட்சிகள் யாரிடமிருந்து கடன் பெற்றோம் என்ற விவரத்தை வெளியிடவில்லை.