நீண்டகால விண்வெளிப் பயணங்களில் விண்வெளி வீரர்களுக்கு உணவு வழங்க புதிய வழி கண்டுபிடிக்கப்பட்டுள்ளது. விஞ்ஞானிகள், சிறுகோள்களில் உள்ள கார்பனை பயன்படுத்தி உணவு உற்பத்தி செய்யும் புதிய யோசனையை முன்வைத்துள்ளனர்.
தி இன்டர்நேஷனல் ஜர்னல் ஆஃப் அஸ்ட்ரோபயாலஜி என்ற சஞ்சிகையில் வெளியிடப்பட்ட இந்த ஆய்வறிக்கையில், சிறுகோள்களில் உள்ள கார்பனை நுண்ணுயிரிகள் மூலம் உண்ணக்கூடிய பொருளாக மாற்றும் முறை விவரிக்கப்பட்டுள்ளது. பிளாஸ்டிக்கை உணவாக மாற்றும் ஒரு அமெரிக்க ஆய்வின் அடிப்படையில் இந்த யோசனை உருவாகியுள்ளது. மேற்கத்திய பல்கலைக்கழகத்தைச் சேர்ந்த ஜோசுவா பியர்ஸ் உள்ளிட்ட ஆராய்ச்சியாளர்கள், சிறுகோள்கள் மற்றும் பிளாஸ்டிக்குகளுடன் நுண்ணுயிரிகள் எவ்வாறு தொடர்பு கொள்கின்றன என்பதில் உள்ள ஒற்றுமைகளை ஆராய்ந்துள்ளனர். பென்னு என்ற சிறுகோள் மீது நடத்தப்பட்ட ஆய்வில், இந்த முறை பல நூற்றாண்டுகளாக விண்வெளி வீரர்களுக்கு உணவு வழங்கும் திறன் கொண்டது என்பது தெரியவந்துள்ளது.
