சிட்டி பேங்க் நிறுவனத்தின் ஒட்டுமொத்த இந்திய செயல்பாடுகளும் ஆக்சிஸ் வங்கியுடன் அண்மையில் இணைக்கப்பட்டது. தற்போது, இந்த இணைப்பு காரணமாக, ஆக்சிஸ் வங்கியின் காலாண்டு செலவினங்கள் உயர்ந்துள்ளதாக தகவல் வெளிவந்துள்ளது. வங்கியின் காலாண்டு நிதிநிலை அறிக்கையில் இது தொடர்பான தகவல்கள் வெளியிடப்பட்டுள்ளன.
ஆக்சிஸ் வங்கியின் காலாண்டு நிதிநிலை அறிக்கையின் படி, மார்ச் 31ஆம் தேதி நிலவரப்படி, வங்கியின் இழப்புகள் 57.28 பில்லியன் ரூபாய் ஆகும். இதுவே, முந்தைய ஆண்டின் இதே காலகட்டத்தில், 41.18 பில்லியன் ரூபாய் லாபம் பதிவாகி இருந்தது. சிட்டி பேங்க் இணைப்பினால் ஏற்பட்ட இழப்புகளுக்கு மத்தியில், வங்கியின் தனிப்பட்ட லாபம் மற்றும் இயக்க வருவாய் உயர்வை பதிவு செய்துள்ளது. தனிப்பட்ட முறையில், ஆக்சிஸ் வங்கியின் லாபம் 91.68 ரூபாயாக உயர்ந்துள்ளது. மேலும், வங்கிக்கு வட்டி மூலம் கிடைக்கும் வருவாய் 33% உயர்ந்து, 117.42 பில்லியன் ரூபாய் ஆக உள்ளது. வங்கியில் உள்ள மொத்த வைப்புத் தொகைகள் 15% உயர்ந்துள்ளன.
