வங்காளதேச முன்னாள் பிரதமர் கலிதா ஜியா ஊழல் வழக்கில் விடுதலை செய்யப்பட்டார்.
வங்காளதேச பிரதமர் கலிதா ஜியா உள்பட 4 பேர் மீது 2011-ம் ஆண்டு ஊழல் வழக்கு பதிவு செய்யப்பட்டது. 2018-ம் ஆண்டில், டாக்கா நீதிமன்றம் கலிதா ஜியாவுக்கு 7 ஆண்டுகள் சிறை தண்டனை விதித்தது. அதன் பிறகு, கடந்த ஆகஸ்ட் 6-ந்தேதி, முகமது யூனிஸ் தலைமையிலான இடைக்கால அரசு கலிதா ஜியாவை விடுதலை செய்ய உத்தரவு பிறப்பித்தது. இதனிடையே, கலிதா ஜியாவின் 7 ஆண்டுகள் சிறைத் தண்டனைக்கு எதிராக தாக்கல் செய்த மேல்முறையீட்டு மனுவின் விசாரணை டாக்கா நீதிமன்றத்தில் நடைபெற்று வந்தது. அந்த மனுவை ஆய்வு செய்த நீதிபதிகள், ஊழல் வழக்கில் இருந்து கலிதா ஜியாவை விடுதலை செய்ய உத்தரவிட்டுள்ளனர்.
