இந்தியாவைச் சேர்ந்த பிரபல எண்ணெய் வர்த்தக நிறுவனமான பாரத் பெட்ரோலியம் கார்ப்பரேஷன் லிமிடெட், தனது காலாண்டு நிதி நிலை அறிக்கையை வெளியிட்டுள்ளது. அதன்படி, கடந்த மார்ச் 31ஆம் தேதி அன்று, நிறுவனத்தின் நிகர லாபம் 168% உயர்ந்து, 6780 கோடியாக பதிவு செய்யப்பட்டுள்ளது. மேலும், நிறுவனத்தின் இயக்க வருவாய் 8% உயர்ந்து, 1.33 லட்சம் கோடியாக உயர்ந்துள்ளது. மேலும், நிறுவனத்தின் மொத்த வருவாய் 7.96% உயர்ந்து, 133902.66 கோடியாக பதிவு செய்யப்பட்டுள்ளது. அத்துடன், நிறுவனத்தின் பங்கு ஒன்றுக்கு 32.26 ரூபாய் வருமானம் ஈட்டப்பட்டுள்ளது.
நிறுவனத்தின் லாபம் உயர்ந்துள்ளதால், நிறுவனத்தின் பொது பங்கு ஒன்றுக்கு 4 ரூபாய் டிவிடெண்ட் வழங்க நிறுவனத்தின் வாரியக் குழு பரிந்துரை செய்துள்ளது. மேலும், நிறுவனத்தின் வருடாந்திர பொது சந்திப்பின்போது இதற்கான ஒப்புதல் பெறப்பட்டு, அன்றிலிருந்து 30 நாட்களுக்குள் டிவிடெண்ட் தொகையை செலுத்த திட்டமிடப்பட்டுள்ளது.
