அமெரிக்க அதிபர் தேர்தலைத் தொடர்ந்து, கிரிப்டோ கரன்சி சந்தையில் பெரும் மாற்றங்கள் ஏற்பட்டு வருகின்றன. குறிப்பாக, பிட்காயின் விலை கடந்த சில நாட்களாக தொடர்ந்து சரிந்து வருகிறது. நவம்பர் 16 மற்றும் 17 தேதிகளில் மட்டும் பிட்காயின் விலை 3% சரிந்து, நவம்பர் 18 அன்று சிங்கப்பூரில் 90,100 அமெரிக்க டாலர்களாக நிலைபெற்றது.
மெரிக்காவின் புதிய அதிபராக டொனால்ட் டிரம்ப் தேர்ந்தெடுக்கப்பட்டதைத் தொடர்ந்து முதலீட்டாளர்கள் எச்சரிக்கையாக இருப்பதே பிட்காயின் விலை வீழ்ச்சிக்கு முக்கிய காரணம் என்று கூறப்படுகிறது. டிரம்ப் அரசின் பொருளாதாரக் கொள்கைகள் எப்படி இருக்கும் என்பது குறித்த தெளிவின்மை காரணமாக, முதலீட்டாளர்கள் தங்கள் முதலீடுகளை பாதுகாப்பான இடங்களுக்கு மாற்றத் தொடங்கியுள்ளனர். இருப்பினும், டிரம்ப் கிரிப்டோ கரன்சிகளை ஆதரிப்பதாகக் கூறியிருந்தாலும், அவரது பொருளாதாரக் கொள்கைகள் பணவீக்கம் மற்றும் வர்த்தகக் கட்டணங்களை அதிகரிக்க வாய்ப்புள்ளது என்ற அச்சம் முதலீட்டாளர்களிடையே நிலவுகிறது.
