ப்ளூ ஒரிஜினின் ஒன்பதாவது விண்வெளி சுற்றுலா பயணம், NS-28, நவம்பர் 22 அன்று நடைபெற உள்ளது. மேற்கு டெக்சாஸில் உள்ள ஏவுதளத்தில் காலை 10:30 மணிக்கு EST நேரப்படி இந்த ராக்கெட் ஏவப்படும். இதில் "ஸ்பேஸ் கேல்" எமிலி காலண்ட்ரெல்லி, மார்க் மற்றும் ஷரோன் ஹேகல், ஆஸ்டின் லிட்டரல், ஜேம்ஸ் ரஸ்ஸல் மற்றும் ஹென்றி வொல்ஃபோன்ட் ஆகியோர் பயணம் செய்ய உள்ளனர். இந்த விண்வெளிப் பயணம் சுமார் 10-12 நிமிடங்கள் நீடிக்கும். இந்த சிறிய காலகட்டத்தில் பயணிகள் எடையற்ற நிலையை அனுபவிக்கலாம்.
வானிலை சாதகமாக அமையும் பட்சத்தில் திட்டத்தில் எந்த மாற்றமும் இல்லை என தெரிவிக்கப்பட்டுள்ளது. ஷரோன் ஹேகல் நிறுவிய லாப நோக்கற்ற அமைப்பான ஸ்பேஸ் கிட்ஸ் குளோபல் மூலம் புளோரிடாவை சேர்ந்த இளம் நிருபர்கள் இந்த நிகழ்வில் பங்கேற்க உள்ளது குறிப்பிடத்தக்கது.
