பிரிக்ஸ் கூட்டமைப்பில் உள்ள நாடுகள் அடுத்த 10 ஆண்டுகளில் மிகப்பெரிய வளர்ச்சியை எட்டும் என ஹென்லி பார்ட்னர்ஸ் அறிக்கை தெரிவித்துள்ளது. குறிப்பாக, இந்தியா முன்னிலை வகிக்கும் என தெரிவித்துள்ளது.
வரும் 2033 ஆம் ஆண்டு வாக்கில், இந்தியாவின் சொத்து மதிப்பு 110% உயரும் என ஹென்லி பார்ட்னர்ஸ் அறிக்கை தெரிவித்துள்ளது. இந்தியாவை தொடர்ந்து, சவுதி அரேபியா 105%, ஐக்கிய அரபு அமீரகம் 95% , சீனா 85% , எத்தியோப்பியா 75% உயர்வை பதிவு செய்யும் என தெரிவித்துள்ளது. அத்துடன், பிரேசில், ரஷ்யா, இந்தியா, சீனா மற்றும் தென்னாப்பிரிக்கா நாடுகளை உள்ளடக்கிய பிரிக்ஸ் கூட்டமைப்பில் உள்ள கோடீஸ்வரர்களின் எண்ணிக்கை 85% உயரும் என அறிக்கையில் குறிப்பிடப்பட்டுள்ளது. அதிலும், அதிக கோடீஸ்வரர்களை கொண்ட நாடாக இந்தியா இருக்கும் என தெரிவிக்கப்பட்டுள்ளது.
