உலகப் புகழ்பெற்ற கேம்பிரிட்ஜ் யூனியன் சொசைட்டியின் தலைவராக 20 வயதான பிரிட்டிஷ் இந்திய மாணவி அனுஷ்கா காலே போட்டியின்றி தேர்ந்தெடுக்கப்பட்டுள்ளார். கேம்பிரிட்ஜ் சிட்னி சசெக்ஸ் கல்லூரியில் ஆங்கில இலக்கியம் படித்து வரும் அவர், இந்தியா சொசைட்டி போன்ற கலாச்சார குழுக்களுடன் இணைந்து யூனியனில் பன்முகத்தன்மை மற்றும் அணுகலை மேம்படுத்த திட்டமிட்டுள்ளார். ஈஸ்டர் 2025 முதல் தனது பதவியை ஏற்கும் அவர், அதிகரித்து வரும் பராமரிப்புச் செலவுகளுக்கு மத்தியில் டிக்கெட் விலைகளைக் குறைத்து, உலகளாவிய விவாதங்களில் கவனம் செலுத்துவதே தனது முக்கிய இலக்கு என தெரிவித்துள்ளார்.
கடந்த 1815 இல் நிறுவப்பட்ட கேம்பிரிட்ஜ் யூனியன், தியோடர் ரூஸ்வெல்ட், வின்ஸ்டன் சர்ச்சில் மற்றும் ஸ்டீபன் ஹாக்கிங் போன்ற பல பிரபலங்களை தனது தளத்தில் வரவேற்றிருக்கும் வரலாற்றுப் பின்னணி கொண்ட ஒரு விவாத சமூகமாகும். முன்னாள் ஜனாதிபதிகளில் ஜான் மேனார்ட் கெய்ன்ஸ் மற்றும் கரன் பிலிமோரியா ஆகியோர் குறிப்பிடத்தக்கவர்கள்.
