சென்னை நேரு ஸ்டேடியத்தில் 6வது கேலோ இந்திய இளைஞர் விளையாட்டு போட்டி கடந்த 19ஆம் தேதி தொடங்கியுள்ளது.
சென்னை, கோவை, திருச்சி, மதுரை ஆகிய நான்கு மாவட்டங்களில் 6வது கேலோ இந்திய இளைஞர் விளையாட்டு போட்டி தொடங்கியுள்ளது.இது வருகிற 31ஆம் தேதி வரை நடைபெற உள்ளது. இந்த விளையாட்டுப் போட்டியில் தடகளம், கால்பந்து, கபடி, கைப்பந்து, ஹாக்கி, வில்வித்தை, துப்பாக்கி சுடுதல்,டென்னிஸ், பேட்மிட்டன் உள்ளிட்ட 26 போட்டிகள் இடம் பெற்றுள்ளன. இதில் 18 வயதுக்கு உட்பட்ட 36 மாநிலங்கள் மற்றும் யூனியன் பிரதேசங்களில் இருந்து 5630 வீரர், வீராங்கனைகள் பங்கேற்று வருகின்றனர். இதுவரை நடைபெற்ற போட்டிகளில் 6 தங்கம், 2 வெள்ளி, 5 வெண்கல பதக்கங்களுடன் தமிழகம் முதல் இடத்தில் உள்ளது. இதற்கு அடுத்த வரிசையில் மகாராஷ்டிரா, அரியானா மாநிலங்கள் உள்ளன.
