வரிகளை உயர்த்தினால் எரிசக்தி விநியோகம் துண்டிப்பு - கனடா

கனடா, அமெரிக்காவுக்கு எரிசக்தி விநியோகத்தைத் துண்டிக்க தயாராக உள்ளது என்று ஒன்டாரியோ மாகாண முதல்வர் டக் ஃபோர்ட் குறிப்பிட்டுள்ளார்.

அமெரிக்கா, கனடாவின் மீதான இறக்குமதி வரிகளை 25% அதிகரிப்பதாக அறிவித்துள்ளது. இந்த புதிய வரிகள் பிப்ரவரி 1 முதல் அமலுக்கு வரும் என தெரிவிக்கப்பட்டுள்ளது. இதற்குப் பதிலாக, கனடா, அமெரிக்காவுக்கு எரிசக்தி விநியோகத்தைத் துண்டிக்க தயாராக உள்ளது என்று ஒன்டாரியோ மாகாண முதல்வர் டக் ஃபோர்ட் குறிப்பிட்டுள்ளார். அவர் கூறியதாவது, "டிரம்ப்பின் வரி விதிப்புகளுக்கு பதிலாக, அமெரிக்காவிற்கு மின்சாரம் மற்றும் இயற்கை எரிவாயு விநியோகத்தை குறைக்க நாங்கள் திட்டமிட்டுள்ளோம். மிச்சிகன், நியூயார்க் மற்றும் விஸ்கான்சின் மாகாணங்களுக்கு எரிசக்தி வழங்குவதை நிறுத்துவோம்" என்று அவர் தெரிவித்துள்ளார். அமெரிக்காவின் மின்சார விநியோகமும், இயற்கை எரிவாயு விநியோகமும் பெரும்பாலும் கனடாவிலிருந்து வருகிறது.