டொராண்டோவில் நடைபெற்று வரும் கனடா ஓபன் சர்வதேச டென்னிஸ் போட்டியில் முன்னணி வீராங்கனைகள் ஆற்றல்மிக்க விளையாட்டை வெளிப்படுத்தினர்.
பெண்கள் ஒற்றையர் பிரிவின் முதல் சுற்றில் ஜப்பானின் நவோமி ஒசாகா, கனடாவின் அரினா அர்செனால்டை எதிர்கொண்டார். ஆரம்பத்திலிருந்தே தாக்குதல்மிகு ஆட்டத்தை வெளிப்படுத்திய ஒசாகா, 6-4, 6-2 என்ற நேரடி செட் கணக்கில் வெற்றி பெற்று இரண்டாவது சுற்றுக்கு தகுதி பெற்றார். மற்றொரு ஆட்டத்தில் கிரீஸ் வீராங்கனை மரியா சக்காரி, கனடாவின் கார்சன் பிரான்ஸ்டைனை 6-2, 3-6, 7-5 என்ற கணக்கில் கடும் போராட்டத்திற்குப் பிறகு வீழ்த்தி அடுத்த சுற்றுக்கு முன்னேறினார். அவர் அடுத்ததாக அமெரிக்க வீராங்கனை ஜெசிகா பெகுலாவை சந்திக்க உள்ளார்.
