தைவான் மீதான தாக்குதல், உக்ரைன் மீதான ரஷ்யாவின் படையெடுப்பு போல சீனாவுக்கு தவறானதாக அமையும் என்று அமெரிக்கா எச்சரித்துள்ளது.
இது குறித்து அமெரிக்க ராணுவ தலைமை தளபதி மில்லி செய்தியாளர் சந்திப்பின் போது கூறியதாவது, "தைவானின் பெரும்பகுதி மலைப்பாங்கான தீவு. ஆகவே தைவான் ஜலசந்தியின் குறுக்கே தைவானைத் தாக்குவதும் முற்றுகையிடுவதும் கடினமானது. மேலும், சீனர்களுக்கு அதிக ஆபத்தும் இருக்கும். தைவான் மீதான தாக்குதல் ஒரு புவிசார்ந்த அரசியல் பிழையாக இருக்கும். புதின் உக்ரைனில் செய்ததைப் போன்று, அது ஒரு மூலோபாய தவறாக இருக்கும்" என்றார்.
