சூடானில் அமைதி பேச்சுவார்த்தை தோல்வி அடைந்ததால் மீண்டும் உள்நாட்டு போர் தீவிரமடைந்துள்ளது.
சூடானில் அதிகாரத்தை கைப்பற்றுவதில் ராணுவம்-துணை ராணுவம் இடையே உள்நாட்டு போர் ஏற்பட்டுள்ளது. இதில் அப்பாவி மக்கள் உள்பட 500-க்கும் மேற்பட்டோர் பலியாகி உள்ளனர். ஆயிரக்கணக்கானோர் காயம் அடைந்துள்ளனர். சூடானில் தவித்த வெளிநாட்டினரை மீட்கும் நடவடிக்கைக்காக போர் நிறுத்தம் அறிவிக்கப்பட்டது. இருதரப்பினரும் பேச்சு வார்த்தையில் ஈடுபட வேண்டும் என்று ஐ.நா. சபை மற்றும் அமெரிக்கா உள்ளிட்ட நாடுகள் வலியுறுத்தின.
இதையடுத்து சவுதி அரேபியாவில் நேற்று முன்தினம் அமைதி பேச்சுவார்த்தை தொடங்கியது. இதில் ராணுவ பிரதிநிதிகள் பங்கேற்று பேச்சுவார்த்தை நடத்தினர். ஆனால் குறிப்பிடத்தக்க வகையில் எந்த முன்னேற்றமும் ஏற்படவில்லை. இந்நிலையில் சூடானில் மீண்டும் உள்நாட்டு போர் தீவிரமடைந்துள்ளது.
