வணிக பயன்பாட்டிற்கான சிலிண்டர் விலை ரூபாய் 4.50 பைசா குறைக்கப்பட்டுள்ளது.
எண்ணெய் நிறுவனங்கள் பெட்ரோல்,டீசல், கேஸ் போன்ற பொருள்களின் விலைகளை கச்சா எண்ணெய் விலை, சர்வதேச சந்தையில் பணமதிப்பு உள்ளிட்ட அம்சங்களைக் கொண்டு நிர்ணயித்து வருகின்றன. அந்த வகையில் பெட்ரோல் டீசல் விலைகள் தினந்தோறும் மாற்றி அமைக்கப்பட்டு வருகின்றன. மேலும் கேஸ் சிலிண்டர் விலைகள் மாதத்திற்கு ஒருமுறை அல்லது தேவைக்கு ஏற்ப மாற்றி அமைக்கப்படும். தற்போது சென்னையில் வணிக பயன்பாட்டிற்கான சிலிண்டர் விலை ரூபாய் 4.50 பைசா குறைக்கப்பட்டு 1924.50 ரூபாய்க்கு விற்பனை செய்யப்பட்டு வருகிறது. மேலும் கடந்த டிசம்பர் 22ஆம் தேதி 39 ரூபாய் குறைக்கப்பட்ட நிலையில் தற்போது மேலும் ரூபாய் 4.50 பைசா குறைக்கப்பட்டுள்ளது. அதே போன்று வீட்டு உபயோக சிலிண்டர் விலை மாற்றமின்றி ரூபாய் 918.50 க்கு விற்பனை செய்யப்படுகிறது.