உலகின் முன்னணி தொழில்நுட்ப நிறுவனமான டெல், அதன் விற்பனைப் பிரிவில் பெரும் மாற்றத்தை மேற்கொள்ள உள்ளதாக அறிவித்துள்ளது. இதன் ஒரு பகுதியாக, சுமார் 12,500 ஊழியர்கள் பணி நீக்கம் செய்யப்பட உள்ளனர். இது மொத்த ஊழியர்களில் சுமார் 10% ஆகும்.
"உலகளாவிய விற்பனை நவீனமயமாக்கல் புதுப்பிப்பு" என்ற தலைப்பில் வெளியிடப்பட்ட உள் குறிப்பில் இந்த மாற்றங்கள் குறிப்பிடப்பட்டுள்ளன. செயற்கை நுண்ணறிவு மற்றும் மையப்படுத்தப்பட்ட குழுக்களில் கவனம் செலுத்துவதே இந்த மாற்றத்தின் முக்கிய நோக்கம். இந்த பணி நீக்கம் முக்கியமாக மேலாளர்கள் மற்றும் மூத்த அதிகாரிகளை பாதிக்கும் என்று தெரிவிக்கப்படுகிறது. மேலும், ஒவ்வொரு ஆறு மாதங்களுக்கும் இதுபோன்ற பணிநீக்கங்கள் நடக்கக்கூடும் என்றும் ஊழியர்கள் தெரிவிக்கிறார்கள். இந்த பணி நீக்க நடவடிக்கையால் நிறுவனத்தின் செயல்பாடுகள் மேம்படும் என்றும், செலவு குறைப்பு ஏற்படும் என்றும் டெல் நிறுவனம் நம்பிக்கை தெரிவித்துள்ளது.
