பெங்களூரில் பிறமொழி விளம்பர பலகைகளை உடைத்து கன்னட அமைப்பினர் ஆர்ப்பாட்டம் செய்ததால் அங்கு பரபரப்பு நிலவி வருகிறது.
கர்நாடக மாநிலம் பெங்களூருவில் கன்னட அமைப்பினர் இணைந்து கன்னட மொழியில் எழுதப்படாத விளம்பர பலகைகளை வைத்துள்ள கடைகள், ஹோட்டல்கள், வணிக வளாகங்கள் உள்ளிட்ட அனைத்து இடங்களிலும் உள்ள பிற மொழி விளம்பர பலகைகளை உடைத்து ஆர்ப்பாட்டத்தில் ஈடுபட்டு வருகின்றனர். ஏற்கனவே கர்நாடகாவில் கன்னட மொழிக்கு முக்கியத்துவம் அளிக்க வேண்டும் என வலியுறுத்தி தொடர் போராட்டங்களில் இந்த அமைப்பினர் ஈடுபட்டு வருகின்றனர். இந்நிலையில் இன்று அவர்களின் போராட்டம் தீவிரமடைந்துள்ளது. இதனை போலீசார் தடுத்து நிறுத்தி கைது செய்யும் பணியில் ஈடுபட்டனர்.
