டொனால்டு டிரம்பின் வெற்றியால் பங்குச் சந்தைகளில் சரிவு

பிப்ரவரி மாதத்தில், பங்குச் சந்தைகள் செயல்பட்ட 11 நாட்களில் 8 நாட்கள் சென்செக்ஸ் மற்றும் நிஃப்டி சரிவுகளை சந்தித்துள்ளன

அமெரிக்க அதிபர் தேர்தலில் டொனால்டு டிரம்பின் வெற்றியின்பின், மும்பை பங்குச் சந்தை குறியீட்டு எண் சென்செக்ஸ் மற்றும் இந்திய பங்குச் சந்தை குறியீட்டு எண் நிஃப்டி முக்கியமான சரிவுகளை எதிர்கொண்டு வருகின்றன. பிப்ரவரி மாதத்தில், பங்குச் சந்தைகள் செயல்பட்ட 11 நாட்களில் 8 நாட்கள் சென்செக்ஸ் மற்றும் நிஃப்டி சரிவுகளை சந்தித்துள்ளன.
நேற்றைய வர்த்தகத்தில், சென்செக்ஸ் 199.76 புள்ளிகள் சரிந்து 75,939.21 புள்ளிகளுக்கு வந்து நிறைவடைந்தது. இது 0.26% சரிவாகும். இந்த நாளில், 699.33 புள்ளிகள் குறைந்ததன் பிறகு, சுமார் 500 புள்ளிகள் உயர்ந்து வர்த்தகம் முடிவடைந்தது. நிஃப்டி 102.15 புள்ளிகள் குறைந்து 22,929.25 புள்ளிகளுக்கு முடிவடைந்தது. சென்செக்ஸ் கடந்த 8 நாட்களில் மொத்தம் 2,644.6 புள்ளிகள் சரிந்துள்ளது, இது 3.36% குறைவு. நிஃப்டி 810 புள்ளிகள் சரிந்துள்ளது, இது 3.41% குறைவாகும்.

அதேபோல், மும்பை பங்குச் சந்தையில் அதானி போர்ட்ஸ் பங்கு 4% சரிவை சந்தித்தது. அல்ட்ராடெக் சிமெண்ட்ஸ், சன் பார்மா, இந்துஸ்இண்ட் பேங்க், என்டிபிசி, டாடா ஸ்டீல் நிறுவன பங்குகளும் சரிவுகளை சந்தித்தன.நெஸ்லே, ஐசிஐசிஐ வங்கி, இன்போசிஸ், டாடா கன்சல்டன்சி சர்வீசஸ், ஹெ.சி.எல்.டெக் நிறுவன பங்குகள் ஏற்றம் கண்டன.ஆசிய பங்குச் சந்தைகளில், டோக்கியோ பங்குச் சந்தை சரிவில் முடிவடைந்தது, ஆனால் சியோல், ஷாங்காய், ஹாங்காங்க் பங்குச் சந்தைகள் உயர்வு பெற்றன.