அமெரிக்க அரசாங்கத்தின் திறன் மேம்பாட்டுத் துறை (DOGE), ஜனாதிபதி டொனால்ட் டிரம்பின் கீழ், இந்திய வம்சாவளியைச் சேர்ந்த நிக்கில் ராஜ்பாலை தேசிய சமுத்திரவியல் மற்றும் வளிமண்டல நிர்வாகத்தின் (NOAA) பிரதிநிதியாக நியமித்துள்ளது. DOGE மற்றும் NOAA இரண்டிலும் ராஜ்பாலுக்கு மின்னஞ்சல் முகவரிகள் உள்ளன. மேலும், அவர் NOAA-வின் அனைத்து கூகுள் தளங்களுக்கும் எடிட்டர் அனுமதியைப் பெற்றுள்ளார். இது சமீபத்திய பன்முகத்தன்மை, சமபங்கு மற்றும் உள்ளடக்க (DEI) நடவடிக்கைகளின் ஒரு பகுதியாக இருக்கலாம் என்று கருதப்படுகிறது. மேலும், எலான் மஸ்க் மூலம் அமெரிக்க அரசின் முக்கிய பணியில் அமரும் 2 ம் இந்தியராக ராஜ்பால் உள்ளார்.
30 வயதை நெருங்கும் ராஜ்பால், கலிபோர்னியா பல்கலைக்கழகத்தில் (UC Berkeley) கணினி அறிவியல் மற்றும் வரலாறு படித்தவர். அவர் முன்னதாக ட்விட்டரில் பணிபுரிந்து, எலான் மஸ்க் வாங்குவதற்கு முன்பு வெளியேறினார். மேலும், டெஸ்லா கன்சோலை மறுசீரமைப்பதில் ஈடுபட்டார். அண்மையில் அவரது ஆன்லைன் தகவல்கள் நீக்கப்பட்டுள்ளன.
