எலோன் மஸ்க் கையகப்படுத்திய முன்னாள் ட்விட்டர் - எக்ஸ் நிறுவனம், அதன் பிரீமியம் சேவைகளுக்கான கட்டணத்தை உயர்த்தியுள்ளது. அமெரிக்காவில், பிரீமியம் பிளஸ் சேவையின் மாதாந்திர கட்டணம் $16-லிருந்து $22 ஆக உயர்த்தப்பட்டுள்ளது. இந்த உயர்வு டிசம்பர் 21 முதல் அமலுக்கு வந்துள்ளது. உள்ளடக்க உருவாக்குநர்களுக்கு அதிக ஊதியம் வழங்குவதே இந்த கட்டண உயர்வுக்கு முக்கிய நோக்கமாகும்.
மேலும், விளம்பரமில்லா எக்ஸ் தள பயன்பாடு, Grok AI எனும் செயற்கை நுண்ணறிவு சேவை மற்றும் ரேடார் எனும் நிகழ்நேர தரவு பகுப்பாய்வு தளம் போன்ற சிறப்பு அம்சங்கள் பிரீமியம் பிளஸ் சேவையில் வழங்கப்படுகின்றன. ஏற்கனவே இந்த சேவையைப் பயன்படுத்தி வருபவர்கள், 2025 ஜனவரி வரை பழைய கட்டணத்திலேயே தொடர்ந்து பயன்படுத்தலாம்.
