ஸ்பேஸ் எக்ஸ் நிறுவனம், ஐரோப்பாவின் ஹெரா விண்கலத்தை டிமார்போஸ் என்ற விண்கல்லை நோக்கி அனுப்ப தயாராகி வருகிறது. இந்த விண்கலம் திங்கட்கிழமை அக்டோபர் 7 ஆம் தேதி காலை 10:52 மணிக்கு EDT இல் கேப் கனாவெரலில் இருந்து விண்ணில் செலுத்தப்படும். கடந்த 2022 இல் நாசாவின் டார்ட் விண்கலம் டிமார்போஸ் விண்கல்லை தாக்கிய பின்னர் ஏற்பட்ட விளைவுகளை ஆய்வு செய்யும் முக்கிய பணியை ஹெரா மேற்கொள்ள உள்ளது.
ஹெரா விண்கலம் டிமார்போஸின் மேற்பரப்பு, உள் அமைப்பு மற்றும் டார்ட் விண்கலம் உருவாக்கிய பள்ளம் ஆகியவற்றை விரிவாக ஆய்வு செய்யும். இதற்கு உதவியாக மிலானி மற்றும் ஜுவென்டாஸ் என்ற இரண்டு சிறிய செயற்கைக்கோள்கள் டிமார்போஸின் தாதுக்கள் மற்றும் ஈர்ப்பு விசையை பகுப்பாய்வு செய்யும். ஹெரா விண்கலம் தனது பயணத்தை வெற்றிகரமாக முடித்து 2026 இன் பிற்பகுதியில் டிமார்போஸை அடையும் என்று எதிர்பார்க்கப்படுகிறது.
