பிரபல இணைய வர்த்தக நிறுவனமான பிளிப்கார்ட், கடந்த நிதி ஆண்டில் 4890.6 கோடி ரூபாய் இழப்பை சந்தித்துள்ளதாக அண்மையில் வெளிவந்த அறிவிக்கையில் தெரிவிக்கப்பட்டுள்ளது.
அண்மையில், பிளிப்கார்ட் நிறுவனம் அறிக்கை ஒன்றை வெளியிட்டுள்ளது. அதில், 2022 - 2023 ம் நிதியாண்டில், நிறுவனத்தின் நிகர இழப்பு மட்டும் 4890 கோடி அளவில் பதிவாகியுள்ளதாக தெரிவித்துள்ளது. இது முந்தைய ஆண்டுடன் ஒப்பிடுகையில் 44% உயர்வாகும். அதன்படி, ஒரே ஆண்டில் மிகப்பெரிய இழப்பை பிளிப்கார்ட் நிறுவனம் சந்தித்துள்ளது. அதே வேளையில், நிறுவனத்தின் மொத்த வருவாய் 56012.8 கோடி ரூபாயாக உயர்ந்துள்ளது. மேலும், நிறுவனத்தின் மொத்த செலவுகள் 60853 கோடியாக உள்ளது.
