டெஸ்லா நிறுவனத்திற்கு போட்டியாக, ஃபோர்டு நிறுவனம் தனது மின்சார வாகனத்தின் விலையை குறைத்து அறிவித்துள்ளது. சராசரியாக ஒரு வாகனத்திற்கு 4500 டாலர்கள் குறைக்கப்படுவதாக அறிவிப்பு வெளியாகி உள்ளது. டெஸ்லா நிறுவனம் தனது வாகனங்களின் விலையில் 20% சலுகையை அறிவித்துள்ள நிலையில், ஃபோர்டு நிறுவனத்தின் அறிவிப்பு வெளிவந்துள்ளது குறிப்பிடத்தக்கது.
ஃபோர்டு நிறுவனத்தின் மின்சார வாகனமான முஸ்டாங் மச் ஈ மாடல் லாபம் ஈட்டாத மாடலாக அறியப்படுகிறது. இந்நிலையில், அதன் விற்பனை வரும் மாதங்களில் அதிகரிக்கும் என்று எதிர்நோக்குவதாக கூறும் ஃபோர்டு நிறுவனம், வாகன உற்பத்தியை 67% உயர்த்த திட்டமிட்டுள்ளது. மேலும், வாகனத்தின் விலையில் 5.3% சலுகையை அறிவித்துள்ளது. சந்தை போட்டியை எதிர்கொள்ளவே இந்த விலை குறைப்பு அறிவிக்கப்பட்டுள்ளதாக கூறப்படுகிறது. தற்போதைய நிலையில், மச் ஈ மாடலின் குறைந்தபட்ச விலை 45995 அமெரிக்க டாலர்களாக உள்ளது. மேலும், மின்சார வாகனத்தின் அதிகப்பட்ச விலை 63995 டாலர்களாக உள்ளது.
